Loading...

Vol Kot Jockey Donovan Mansoor: Lapolis Aret Trwa Personn, Ladan Enn Miner

Lapolis pa pe perdi letan dan lanket ki finn ouver swit a enn kanbriolaz kot jocket Donovan Mansoor a Cap-Malheureux, Lindi. Zot inn prosed a larestasyon Girish Boodhna, Jean Twistine Sutton ek enn adolesan 16 an, tou bann abitan la rezion, Zedi le 20 Avril.

Pandan so interogatwar, Girish Boodhna inn explike ki li ek adolesan 16 an la inn profit labsans jockey la pou kokin. Jockey la ti blie met lakle dan so laport sa zour la.

Zot inn kokin bizou, parmi ti ena lasen diaman ek bann mont valer. Tousala estime a Rs. 300 000. Bann sispe la inn, par laswit, vann enn parti butin la a Jean Twistine Sutton. Bann obze vole la inn toufwa restitue.

Operasyon la ti mene par inspekter Jodhoa, sezan Poress ek Criminal Investigation Division Grand-Baie ek serzan Seewoochursing avek bann eleman Field Intelligence Office sou soupervizion Surintandan lapolis Cally.

Loading...

Comments

comments

Get more stuff like this
in your inbox

Subscribe to our mailing list and get interesting stuff and updates to your email inbox.