Loading...

[Exclusive] KFC Rose-Belle: Saki Ashwini Inn Trouve Dan Poule So Garson 3 An Ti Pe Manze Ti Kapav Fer Li Mor Avek Toufe

Enn mama ki ena enn garson 3 an inn apros nou azordi, Mardi le 6 Juin, pou rakont nou mezavantir linn pase dan KFC Rose-Belle yer, Lindi le 5 Juin. Linn fini anrezistre enn plint stasyon lapolis Rose-Belle.

Ashwini (nom fiktif) dir: “Mo finn trouv sa tissue paper la lo so lamin ek monn gengn sok kan mo trouv ankor enn bout dan poule la. Monn al dir manager la lo sa problem la me li dir mwa ki so superyer pa la ek pa pou kapav fer naryen. Swa dizan superyer dan vakans kan mo garson mank manz sa tissue la ek mank toufe.”

Manager KFC Rose-Belle inn dir ki zot pou kontakte madam la apre. Ashwini finn ankoler paski zot pa finn pran aksyon neseser ek linn al direksyon stasyon lapolis Rose-Belle pou met enn plint. Finn anvway bann esantiyon Forensic Science Laboratory.

Madam la finn osi al guet saniter pou met enn plint. Me laba zot inn dekouraz li pou pa met oken plint ek inn dir li ki case la pou tonbe dan lakour ek li enn gaspiyaz. Me Ashwini pa finn bess zarm ek kan linn met presyon lo zot, travay la inn fer. Zot inn anvway tou laboratwar pou fer analiz.

Loading...

Comments

comments

Get more stuff like this
in your inbox

Subscribe to our mailing list and get interesting stuff and updates to your email inbox.