Loading...

[Video] Aksidan Dan Belle-Mare: Enn Zom 20 An Teste Pozitif Pou Lalkol Ek Pass Lanwit Dan Selil Polisiyer

Vilaz Belle-Mare finn temwanie enn aksidan larout Samdi aswar le 17 Juin. Ver 21hr30, enn abitan larezion inn fer enn sorti derout.

“Lo lakrwaze lari Baithka, sofer loto la inn perdi kontrol so loto ek inn derape. Li finn dabor tap avek enn klotur avan terminn so kours kont enn lot,” Diya P., 19 an, rakonte. “Airbag loto la inn deklanse ek parabriz la inn kraze,” li indike.

Video:

Zot inn alert lapolis ki finn mande sur plas. “Se bann polisie ki finn remork loto aksidante la,” Diya P. azoute.

Ti osi ena enn zen fam dan loto la kan loto la finn tape. Li ti lezerman blese, ek linn deklinn tou asistans medikal. Sofer la, ki ena 20 an parla, finn fer enn lalkol test ki finn revel positif. Li finn pass lanwit dan selil polisiyer avan retourn so lakaz so landimin. Lanket lapolis pe kontinie.

Loading...

Comments

comments

Get more stuff like this
in your inbox

Subscribe to our mailing list and get interesting stuff and updates to your email inbox.