Loading...

Lopital Jeetoo: Jenny Ravina, 21 An, Desede Kouma Li Donn Nesans So Bebe

Dimans le 19 Novam: 3hr dimatin. Jenny Ravina, 21 an, inn transporte lopital Jeetoo apre ki linn resanti bann kontraksyon for.

Apre ki enn dokter inn examinn li, zen fam-la inn imediatman kondwir dan lasal akousman.

Pan sa letan-la, so konkubin, ki ti pe mor avek traka, pe fer ale-vini dan koulwar lopital-la. Sak minit ti pe pas dousman pou li.

Enn tigit pli tar, li aprann bon nouvel. Linn vinn papa enn garson. Si ti bebe-la byin, leta lasante so mama okontrer inn koumans inspir inkietud. Jenny inn plase sou obzervasyon dan lasal.

Me depi ler tan plitar, savedir 07hr30 parla, terib nouvel inn tonbe. Zen mama-la inn desede. Inn transport so lekor lamorg. Otopsi pratike par Dr Chaman, Police Medical Officer, dan prezans sef inspekter Shamloll depi stasyon lapolis Line Barracks, inn revele ki Jennu inn desede swit a enn ‘Haemorrhagic shock’.

Inn fer funeray Jenny Ravina azordi, Mardi le 21 Novam.

Loading...

Comments

comments