Loading...

Mahébourg: Enn Zen Mama Kokin Enn Apartman Pou Nouri So Bann Zanfan

Li pre pou fer tou pou nouri so de tipti zanfan. Sharmila Sunassee, 26 an, inn avoue ki linn kokin dan enn apartman ki trouv Mahebourg.

Sa abitant Ville-Noire-la, ki deza konu bann servis lapolis pou bann ka vol, inn arete par bann polisie Criminal Investigation Division larezyon Mardi le 21 Novam.

Pandan so interogatwar par bann zom inspekter Seegoolam, Sharmila Sunassee pa finn tarde pou avoue sa vol-la. Li dir linn kokin enn gro som larzan, enn kamera ek bann obze valer dan enn apartman kot 4 tourist ti pe reste.

Sharmila Sunassee inn dir bann anketer ki linn vann tou pou gengn larzan. Li finn rann enn parti larzan ki linn kokin.

Linn konparet divan tribunal Mahebourg so landimin so arestasyon. Lapolis inn obzekte so remiz an liberte ek inn rekondwir dan selil polisiyer.

De zanfan Sharmila Sunassee inn konfie a bann ofisie Child Development Unit. Lanket pe kontinie.

Loading...

Comments

comments